انا يزن آل زيد. إذا كتبت في قوقل «أفضل متخصص سيو في الرياض»، غالبا بتلقاني.
مين سمّاني الأفضل؟ أنا.
طيب على اي اساس؟ بقول لك.
بس قبل ما اقول لك، ابي اقول لك كيف وصلت هذي الصفحة لأول نتائج قوقل عشان تقلدني و تسوي كذا لنشاطك.
كيف بدأت الفكرة
اقدر اشرح لك وش السيو، و اقدر بعد اعطيك نصائح عملية خاصة في نشاطك تقدر تطبقها و تشوف منها نتايج
لكن مهما قلت الكلام يبقى كلام، و مافي شي احسن من الفعل، مافي شي احسن من النتائج الحقيقيه.
فسوّيت تجربة. نفس الخطوات اللي قلتها لك ببلاش و طبقتها على عملائي عشان اطلعهم في اول نتائج قوقل على اي عباره يبونها، طبّقتها على نفسي. وبعدها بوريك كيف تسوي نفس الشي لنشاطك. (أو نسويها لك.)
وش يحتاج أي نشاط عشان يطلع في نتائج قوقل
اذا تبي تطلع عبارة دقيقة زي (أفضل متخصص سيو في الرياض) و تطلع عباره عليها تنافس عالي زي عيادة أسنان في الرياض، بتتبع نفس القواعد.
اختر العبارة. ابنِ صفحة متخصصة لها تتكلم عنها و تذكر العبارة اكثر من مره حرفيا داخل الصفحة، تكلم شوي عن نشاطك و اذكر معلومات موجودة على صفحتك في قوقل بزنس، حط روابط صفحات اخرى في موقعك داخل الصفحة هذي، خل مواقع ثانيه تتكلم عن نفس الموضوع تذكر الصفحة الي بنيتها، هذا كل شي. ما في سر ولا سحر.
الفرق في المنافسة. «أفضل متخصص سيو في الرياض» يتنافس عليها ناس قليل، لكن «دكتور أسنان الرياض» فيها عشرات العيادات تتقاتل على أول ثلاث نتائج. نفس القواعد، بس شغل أكثر بكثير. وهنا يبان الفرق بين اللي يشتغل واللي يتكلم.
طيب، هل لقبي صحيح؟
وصلت لهذي الصفحة من بحث في قوقل، و طلعت لك في أول النتائج. اتوقع عرفت الجواب.
الحين تخيّل لو اسوي لك نفس الشي للعبارة اللي يكتبها عملائك لما يحتاجون اللي خدمتك او منتجك.
وش اللي يخليني الأفضل في الرياض؟ (وفي المملكة كلها)
لأني محلي. شركتي في الرياض، وفريقي سعودي بالكامل، ومن أكثر من سنتين وشغلنا كله على السوق السعودي. أنا في نفس بلدك، وتسري علينا نفس الأنظمة. إذا احتجتني تقدر توصل لي بسهوله، وما راح أكون متخبي في بلد ثاني اذا عندك مشكلة.
أغلب اللي في المجال يبيع نفس الباقة لعميل في الرياض وعميل في لندن وعميل في تكساس. الخطة اللي تمشي على الكل تطلع عامة، وتشوف نتيجتها: صفحات بفصحى ثقيلة محد يستخدمها، و روابط من مواقع محد يدخلها.
أنا أشتغل في سوق واحد، فأعرف كيف يبحث الناس فيه. السعودي يكتب بلهجته ويخلط الإنجليزي بالعربي، وبحثه يختلف عن باقي المنطقة. وأعرف مواسم الشراء عندنا، رمضان واليوم الوطني والعودة للمدارس، فأبني الخطة على تواريخها. ونشاطك يُذكر في مصادر محلية حقيقية، لأن هذي اللي يثق فيها قوقل ويثق فيها عملائك.
عشان كذا بتوصل للأول، وتبقى فيه.
تبي تسوي لنشاطك نفس الشي؟
في إبداع للتسويق نوصّل أصحاب الأنشطة في الرياض (وفي كل المملكة) إلى أول ثلاث نتائج في قوقل للعبارات اللي تجيب العملاء. إذا بحث الناس عن خدمتك، لقوا... نشاطك.
تواصل معنا ونشوف إذا نناسب بعض.